Deputetja Rudina Hajdari rezulton e prekur nga Covid-19. Lajmi bëhet i ditur nga vetë Hajdari në rrjetet sociale, ndërsa shprehet se simptomat i ka të lehta dhe të përballueshme.
“Mbas shfaqjes së disa simptomave, jam testuar dhe kam rezultuar pozitive me Covid19.
Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve”, shkruan Hajdari.
Në vijim ajo i drejton një apel qytetarëve për të marrë seriozisht këtë sëmundje dhe masat mbrojtëse ndaj saj.
Disa prej deputetëve të Parlamentit shqiptar kanë kaluar apo janë përballur me Covid-19, madje të paktën dy prej tyre, kanë shfaqur forma të rënda të infektimit.
