Juventusi ka mposhtur Spezian 1-4 në transfertë duke u rikthyer te fitorja në Serie A. Protagonisti kryesor i ndeshjes ka qenë Cristiano Ronaldo, i cili ka realizuar një dopietë.
Pjesa e parë përfundoi me rezultat 1-1 me golat e Moratës në minutën e 14-të dhe Pobegas në minutën e 32-të.
Në pjesën e dytë u inkuadrua CR7, i cili menjëherë pati ndikimin e tij në fushën e lojës. Ai realizoi në minutën e 59-të, vetëm tre minuta pasi u inkuadrua në lojë.
Në minutën e 67-të shënoi Rabiot para se Ronaldo ta shënonte golin e tij të dytë në minutën e 76-të nga penalltia.
Me këtë fitore, Juventus ngjitet në vendin e dytë në kuotën e 12 pikëve, 4 më pak se kryesuesit e Milanit.
https://www.youtube.com/watch?v=yoAyIV-oXC8
