Një shtetas 60-vjeçar humbi jetën si pasojë e një aksidenti që ndodhi në aksin Thumanë-Tapizë. Mësohet se në aksident janë përfshirë dy automjete, një mjet tip Fiat dhe një mjet tip Benz
Viktima, 60 vjeç, H.M, mësohet se drejtonte mjetin tip Fiat. Mësohet se edhe drejtuesi i mjetit tjetër ka marrë dëmtime si pasojë e aksidentit.
Policia ka shkuar në vendin e ngjarjes dhe ka nisur hetimet lidhur me shkaqet e aksidentit.
“Më datë 01.11.2020, rreth orës 08:15, në aksin rrugor Tapizë-Thumanë, shtetasi H. M., rreth 60 vjeç, duke drejtuar mjetin tip “Fiat” është përplasur me mjetin tip “Benz” me drejtues shtetasin K. B., rreth 41 vjeç, e për pasojë ka ndërruar jetë shtetasi H. M., ndërsa shtetasi K. B., ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e ngjarjes”, shprehet policia.
