Kejvina Kthella ishte e ftuar mbrëmjen e djeshme në “Shiko Kush LUAN” me autore dhe moderatore Luana Vjollcën. Modelja nuk mund t’i shpëtonte pyetjes pikante që reperja Rina Balaj i bëri në sfidën “Ndaje ose zhyt duart në …”
“Thuhet se shoqëria mes teje dhe Vildane Zenelit nuk ekziston më, duam të dimë arsyen e kësaj zënke. Ndaje sot me ne arsyen në ‘Shiko Kush Luan’ ose zhyt duart në…”, ishte kjo pyetja që iu bë modeles, e cila zgjodhi të përgjigjej.
“Po jam zënë me Vildanen, kemi kohë të gjatë që nuk flasim më dhe arsyeja është se për faktin se unë kam qenë e vetme atje, ajo është munduar disi të abuzojë pak me mua”, tha Kejvina duke shtuar me shaka: “Jemi zënë për karikues”.
