Komiteti i Ekspertëve, i ngritur për përballimin e pandemisë Covid-19, reagoi dje përmes një deklarate lidhur me akuzat e kreut demokrat Lulzim Basha përsa i takon sistemit shëndetësor.
Reagimi i ekspertëve pranë Qeverisë, që u mor në mbrojtje edhe nga Edi Rama gjatë ditës së sotme, u shoqërua edhe me një foto, si për ta bërë më të besueshme, mbledhjen e tyre dhe më pas edhe reagimin.
Por a u mblodh Komiteti apo foto i përket arkivës?
Nëse Komiteti do të ishte mbledhur atëherë minimalisht duhej të mbanin një maskë në sallën e mbyllur, ashtu sikundër thuhet edhe në udhëzimet apo vendimet, për të cilat thuhet se janë propozime të ekspertëve.
Por kur është mbledhur Komiteti që i shqetësuar nga deklaratat e Bashës se “sistemi është në kolaps”, reagoi për të thënë të kundërtën?
Imazheristi i njohur Renato Osmënaj në një reagim në rrjetet sociale ka ironizuar Komitetin, ndërsa ngre pikëpyetje lidhur me mbledhjen e tij, kohën kur është mbajtur ajo.
“Jeni veshur shumë trashë për ta besuar se kjo foto është shkrehur më parë!
1-Nëse do i qëndrojmë periudhës mars-prill disa prej jush kanë qenë të sëmurë nga covid, nën mjekim apo karantinim!
2-mbledhjet në atë kohë kryheshin në skype të drejtuara nga kryetari që ishte “baba”
3- mars-prill komiteti ka pasur tjetër konfigurim.
4- maj qershor korrik gusht shtator, nuk mbanit dot bluze leshi.
5- për të gjithë dështimet duhet ta drejtonit gishtin drejt qeverisë, dhe jo nga opozita!
6- ju ftoj të gjithëve në debat televiziv kur,dhe ku të doni”, shkruan në një postim në rrjet mjeku Renato Onsmënaj.
