Një ditë më parë, si pasojë e një aksidenti automobilistik, humbi jetën në Itali, një 29-vjeçar shqiptar. Ngjarja e rëndë ka shkaktuar dhimbje në komunitetin shqiptar në Prato.
Viktima është Agron Dajlanaj, 29 vjeç që prej vitesh punonte si magazinier. Ai humbi jetën pas një aksidenti me motor.
“Është një humbje e madhe – thotë presidenti i shoqatës shqiptare Sopoti – Qamil Zejnati. Agroni ishte një djalë që punonte si magazinier në zonën e Campi, që kur ishte 18 vjeç.
E njihte shumë mirë atë rrugë dhe ne nuk e kuptojmë se si ka ndodhur aksidenti. Si shoqatë ne i jemi gjendur menjëherë pranë familjes dhe sidomos të shoqes, pasi kanë edhe një vajzë të vogë’.
Agron Dajlanaj ishte djalë i vetëm dhe jetonte së bashku me prindërit në Prato, Itali.
