Virgil van Dijk ka kryer me sukses operacionin në ligamentet e gjurit.
Mbrojtësi i Liverpoolit u dëmtua në derbin kundër Evertonit, duke lënë fushën e lojës gjatë pjesë së parë.
Sipas njoftimit të Liverpool, operimi i zhvilluar në Londër, ka përfunduar me sukses ndërsa tashmë futbollisti fillon rehabilitimin e tij mjekësor.
Asnjë afat kohor nuk është vendosur për kthimin e holandezit por mediat raportojnë se ai pritet të humbë gjithë sezonin me “Reds-at”. Objektivi për Van Dijk do të jetë pjesëmarrja në Kampionatin Europian 2021 me Holandën.
