Një dyqan në Roskovec është grabitur pasditen e sotme. Autorët, që dyshohet se kanë qenë dy persona, janë ende të paidentifikuar nga policia.
Burime zyrtare nga policia sqaruan se rreth orës 14:35, shtetasja D.V. ka njoftuar se në dyqanin e saj me artikuj të ndryshëm në qytetin e Roskovecit, dy persona të pa identifikuar, dyshohet se nën kërcënimin e një sendi në dukje armë zjarri, i kanë marrë një çantë me sendet e saj personale dhe disa bizhuteri që ishin mbi banak dhe janë larguar.
Policia me marrjen e njoftimit ka mbërritur në vendngjarje, ka rrethuar zonën dhe po vijon krehjen e zonës për kapjen e autorëve.
Grupi hetimor vijon me kqyrjen e kamerave dhe sekuestrimin e provave për të bërë të mundur identifikimin e autorëve dhe kapjen e tyre.
