Ish-ministri i Shëndetësisë në qeverinë e PD dhe ish-deputeti, Tritan Shehu, ka reaguar ndaj deklaratës së një dite më parë në sallën e Parlamentit nga ministrja Ogerta Manastirliu, e cila tha se “do të zgjedhim kush do të trajtohet në spitale”.
Shehu e cilëson deklaratën si terrorizuese, ndërsa i kërkon Kryeministrit Edi Rama të publikojë protokollet e vdekjes.
“Kush do të bëjë rolin e “kapos” që do të vendosë se cili pacient do të trajtohet e cili jo, pra për jetë a vdekje?!
Mbi ç’baza do të bëhet ky seleksionim: ideologjike, mbështetje ndaj Rilindjes, simpative personale, PPP, pagesave…?!Së paku për këtë duhet të pregatisni “protokollin e vdekjes”, se atë te mjekimit nuk e keni realizuar akoma?
Por jeta as blihet, as shitet e askush nuk ka të drejtë ta marrë atë, ajo jetet nga Zoti e vetëm Ai mund të vendose; detyra a shtetit është ta mbrojë me fanatizëm atë.
Çdo gjë tjetër, edhe ky seleksionimi juaj që kërcënoni është vetëm një vepër kriminale!”, shkruan Shehu
Postimi nga Tritan Shehu
Rames mbas deklarates terrorizuese ministeriale se “..do te zgjedhim kush do te trajtohet…”, i duhet te publikoje “protokollet e vdekjes”!
Nje deklarate kjo ogurzeze e kercenuese ne kuadrin e epidemise Covid, qe i trajton qytetaret si te burgosurit e ish kampeve naziste, ku ai “kapoja” vendoste cdo mengjez per “pune apo per dhomat e gazit”, gje qe me sjell disa pyetje:
— Pse po shkojme ne kete gjendje ku duhet vendosur kush do te marre trajtim mjekesor e kush jo kur Shqiperia ka mbi 55% te shtreteve bosh.
—Pse kujtohemi tashti per spitalet Rajonale, kur jane humbur muaj qe mund t’i vinim ato ne eficience per kete perballje? Po per ambjentet e reanimacionit Covid, vendi ku ndahet jeta nga vdekja, qe vazhdojne te jene te krejt te pa mjaftueshme, larg standarteve e me humbje te larta njerrezore, ne nje kohe qe shumica e tyre ne vend qendrojne te pa shfrytezuar e te tjere mund te silleshin ?!
—Po kujdesi paresor pse vazhdon i pa mbojtur, i pa pajisur, pra i paralizuar, me mjekime e dignostikime te pa rimbursuara duke perkeqesuar pacientet, e shtuar “presionin” mbi spitalet?!
—Pse nuk gjenden forma per te bere pjese te perballjes edhe sektorin privat, si kudo?
—Pse jemi ne nivele afrikane me numrin e testimeve PCR, dhe keto te vonuara, me ato imunologjiket te harruara, ndersa duhej te ishim ne fazen e atyre PCR te shpejta.
Dhe ne fund dua tju pyes:
1-Kush do te beje rolin e “kapos” qe do te vendose se cili pacient do te trajtohet e cili jo, pra per jete a vdekje?!
2-Mbi cbaza de te behet ky seleksionim: ideologjike, mbeshtetje ndaj Rilindjes, simpative personale, PPP, pagesave…?!Se paku per kete duhet te pregatisni “protokollin e vdekjes”, se ate te mjekimit nuk e keni realizuar akoma?
Por Jeta as blihet, as shitet e askush nuk ka te drejte ta marre ate, ajo ipet nga Zoti e vetem Ai mund te vendose; detyra a shtetit eshte ta mbroje me fanatizem ate.
Cdo gje tjeter, edhe ky seleksionimi juaj qe kercenoni eshte vetem nje veper kriminale!
