Dana White zbulon prapskenën: Mos u çudisni për një rikthim të Khabib, babai i tij kishte këtë dëshirë!

Kanë kaluar vetëm pesë ditë kur Khabib Nurmagomedov deklaroi tërheqjen e tij nga UFC-ja. Megjithatë, presidenti Dana White ka një lajm shpresëdhënës për të tifozët e këtij sporti. Në një intervistë për “CBS Sport Radio”, ai ka lëshuar një ‘bombë’ të vërtetë, pasi ka zbuluar se është në bisedime me rusin për një rikthim të mundshëm.

“E ardhmja e Khabib? Asnjë nuk e di, madje as trajneri i tij. Unë mund t’ju them diçka për të cilën nuk kam biseduar me askënd deri më tani. Me Khabib jemi në bisedime për një rikthim të tij. Ai ishte i pushtuar nga emocionet atë natë gjatë ndeshjes. Mendoj se ai do të bëjë edhe një duel për ta mbyllur karrierën e tij në shifrat 30-0”, deklaron White.

“Unë mendoj se ai nuk do të dalë në pension dhe këtë e kam seriozisht. Babai i tij kërkonte që Khabib të shkonte 30-0. Jam i sigurt se kampioni do t’ia plotësojë këtë dëshirë babait të tij të ndjerë, edhe pse i ka dhënë fjalën mamasë se dueli kundër Gaethjes ishte i fundit për të. Khabib do të rikthehet”, përfundon presidenti i UFC-së.

LEXO EDHE  Bayern gati të përforcojë mesfushën, synohet goditja e dyfishtë me kosto 80 mln euro