Trajneri i Milanit, Stefano Pioli, nuk e fshehu gëzimin pas fitores 3-0 ndaj Sparta Pragës në Europa League ditën e sotme duke grumbulluar 6 pikë në dy ndeshjet e para.
Me ndeshjen e sotme, Milani e çon në 23 numrin e ndeshjeve pa humbje. Gjitashtu Milani kryeson Serinë A në kuotën e 13 pikëve. Kuqezinjtë në 5 takimet e para kanë fituar 4 dhe barazuar 1.
Në intervistën e tij pas ndeshjes së sotme, Pioli i konsideroi të gjithë lojtarët e tij si “titullarë dhe askush nuk është alternativë stoli”.
“Kjo është ajo që duhet të bëjmë, të kontrollojmë lojën dhe të kuptojmë situatat si dhe të alternohemi me manovrimet për të arritur lojtarët e lirë në fushë. Në tërësi ishte një paraqitje e mirë. Jam i kënaqur me të gjithë skuadrën. Për mua nuk ka alternative, të gjithë janë titullarë.
“Jam me fat që stërvis këta lojtarë dhe tani zgjedhjet bëhen më të vështira për mua. Kjo është gjë e mirë për mua, do të thotë që vazhdojmë të rritemi.”
“Duke luajtur kaq shpesh konsumojmë energji fizike dhe mendore. Presim një ndeshje të vështirë me Udinezen, vjet na vuri në vështirësi në ‘San Siro’. Sistemi i lojës? E rëndësishme është të luajmë mirë dhe vazhdojmë në këtë rrugë”.
