Maurizio Sarri u shkarkua nga stoli i Juventusit më në 8 gusht. Trajneri ka kontratë deri në verën e vitit 2022 me kampionët e Italisë (6 milion euro rroga e tij sezonale), teksa palët po negociojnë prej ditësh për ndërprerjen e bashkëpunimit.
Agjenti i Sarrit ka qenë në zyrat e bardhezinjve në fillim të javës dhe TMË raporton se akordi i zgjidhjes së kontratës me “Zonjën” është arritur. Zyrtarizim nuk ka akoma, por 61-vjeçari ka përfunduar të gjitha procedurat për mbylljen përfundimtare të kontratës që e lidh me Juventusin.
E ardhmja e trajnerit italian lidhet me Fiorentinën, që është edhe skuadra e tij e zemrës. Giuseppe Iachinin e pret shkarkimi nëse rezultatet pozitive nuk do vijnë dhe Sarri është në krye të listës së dëshirave të presidentit Commisso.
