Humbin jetën tre minatorët në minierën e Selishtës, të cilët kishin ngelur të bllokuar prej mbrëmjes së djeshme.
Trupat e pajetë të inxhinierit dhe dy punëtorëve janë nxjerrë nga miniera “Balgjaj”, njësia Administrative Selishtë.
Viktimat janë Ismail Hoxha, rreth 62 vjeç me detyrë inxhinier minierë dhe dy punëtorët Fatos Çesku dhe Rruzhdi Rrushiti.
Inxhinieri së bashku me dy punëtorët humbën kontaktet me familjen për 48 orë.
Dyshohet se tre personat humbën jetën si pasojë e gazrave në minierë.
Miniera e kromit në Balgjaj ndodhet në një territor të vështirë mes Dibrës dhe Matit, ku mund të shkohet vetëm me kamionët e druve, pasi për makinat e tjera është e pamundur.
Kryebashkiaku i Dibrës, mbrëmjen e së mërkurës tha se se nga informacionet e para që ka nga vendi i ngjarjes bëhet fjalë për një shembje të një masivi brenda në minierë.
Ndërkohë që një banor i fshatit në Balgjaj, ku ndodhet miniera, nga vendi i ngjarjes, u shpreh se policia ka mbërritur, por nuk mund të ndërhyjnë në minierë, pasi janë në pritje të grupit të avari shpëtimit në miniera, që të vijë nga Tirana.
Kryeplaku i fshatit tha se në minierë punojnë mbi 20 punëtorë, ndërsa inxhinieri Ismail Hoxha është nga Peshkopia.
