Mbi 80% e pacientëve të shtruar në spital për Covid kanë një mungesë të vitaminës D, një lëndë ushqyese që është gjithashtu e rëndësishme për funksionimin e duhur të sistemit imunitar, sipas studimit të botuar në ”Journal of Clinical Endocrinology & Metabolism” të kryer në Spanjë.
Të dhënat, megjithëse lidhen me një spital të vetëm spanjoll, janë të rëndësishme sepse konfirmojnë studimet e mëparshme epidemiologjike sipas të cilave mungesa e vitaminës D është më e përhapur në vendet ku koronavirusi ka treguar agresivitet më të madh, duke shkaktuar më shumë vdekje.
Ekspertët zbuluan se mbi 8 në 10 pacientë të pranuar në spitalin spanjoll për Covid gjatë valës së parë të infeksioneve kishin mungesë të vitaminës D, veçanërisht burrat, të cilët përgjithësisht kanë një vdekshmëri më të lartë se gratë.
”Nëse roli mbrojtës i vitaminës D kundër Covid-19 konfirmohet, një qasje parandaluese mund të jetë shërimi nga mungesa e kësaj vitamine, veçanërisht tek individët më të ndjeshëm si të moshuarit, pacientët me sëmundje të tjera si diabeti dhe personeli shëndetësor”, përfundon Hernandez.
/ATA/
DENONCO