“Ka ende kohë për reflektim”. Me këtë mesazh, Presidenti Ilir Meta i drejtohet mazhorancës, duke i kërkuar të mos rivotojë ndryshimet e njëanshme në Kodin Zgjedhorë, nesër në parlament.
Në një postim në rrejtet sociale, Meta ka përshëndetur reagimin e Kryetarit të Komisionit të Jashtëm të Parlamentit Europian, David Mcallister. Ky i fundit shprehu shqetësim për këmnëguljen e mazhorancës për të rivotuar ndryshimet e njëanshme në Kodin Zgjedhor para opinionit të Komisionit të Venecias.
“E falënderoj Kryetarin e Komisionit të Jashtëm në Parlamentin Europian, z.David McAllister, mik i vërtetë i Shqipërisë dhe popullit shqiptar, për angazhimin e tij të sinqertë e të vazhdueshëm, për zgjedhje të lira e të ndershme. Z.McAllister, si askush tjetër, bëri çdo gjë edhe katër vite më parë, që vendi ynë të mos kishte zgjedhje penalizuese për integrimin europian, siç fatkeqësisht ndodhën. Ka ende kohë për reflektim”, shkruan Meta.
Ndryshimet e votuara nga mazhoranca dhe një pjesë e opozitës parlamentare u kundërshtuan nga opozita dhe u quajtën shkelje e marrëveshjes së 5 Qershorit. Presidenti Ilir Meta i ktheu për rishqyrtim në Kuvend, ndërsa kërkoi opinionin e Komisionit të Venecias.
Komisioni ka bërë me dije se do ti shqyrtojë në dhjetor.
Ndërkohë, kryeministri Edi Rama, deklaroi se do ta rrezojnë dekretin e Metës, edhe pse përfaqësues të BE-së kanë apeluar që para votimit në Kuvend të pritet opinioni i “Venecias”.
Ditën e nesërme, në kalendarin e seancës plenare është futur për votim dekreti i Metës që ktheu në Kuvend ndryshimet e njëanshme të Kodit Zgjedhor.
Një dirë para votimit në Kuvend, Kryetari i Komisionit të Marrëdhënieve me Jashtë në Parlamentin Europian, David McAllister shprehur “ekstremisht i shqetësuar“, për qëndrimin e mazhorancës.
“Eksetrenmiiisht i shqetësuar që pavarësisht thirrjeve kombëtare dhe ndërkombëtare, që kërkojnë të pritet për opinionin e Komisionit të Venecias lidhur me ndryshimet në Kodin Zgjedhor, është vendosur që ato të votohen nesër. Ndryshimet e njëanshme të marrëveshjes mund të përkeqësojnë situatën politike dhe të sjellin polarizimin e saj drejt zgjedhjeve të prillit të vitit 2021. Këto ndryshime do të jenë të dëmshme lidhur me konferencën e parë ndërqeveritare për hapjen e negociatave, në fund të vitit”, shkroi McAllister në një reagim në rrjetet sociale.
