Milan-Roma do të mbahet mend gjatë, jo vetëm për rezultatin 3-3 por edhe sepse arbitri Piero Giacomelli ndezi polemika të mëdha me dy penalltitë të shpikura nga hiçi. Megjithatë gabimet vijnë me pasoja dhe këtu nuk shpëton as turpi i ndodhur në “San Siro”.
Në Itali kanë vendosur të ndëshkojnë arbitrat e sfidës Milan-Roma së bashku me përgjegjësin e VAR-it, Luigi Nasca. Të paktën 2 ndeshje pezullim është dënimi me të cilin do të përballen Giacomelli me shokë.
Në këto kushte plot një 1 muaj larg fushave i pret personat që ndanë drejtësinë mbrëmjen e djeshme, duke marrë parasysh edhe pushimin për ndeshjet e Kombëtareve.
