Vijon tmerri i trafikut të automjeteve në Tiranë, ndërsa prej disa ditësh qytetarët humbasin orë të tëra për të mbërritur në destinacion.
Rrugët me ngarkesën më të madhe janë ajo e Kavajës, Durrësit, Mine Peza, Rruga e Dibrës, Kombinati, Unaza, segmenti në rrugën e Elbasanit ng Varrezat e Dëshmorëve te ambasada Amerikane, ndërsa drejtues automjetesh shprehen se për të pëshkruar një distancë 3 km duhen të paktën 50-60 minuta.
Situata rëndohet veçanërisht kur ka qarkullim edhe të mjeteve të tonazhit të rëndë, betoniere kryesisht që lëvizin orë e pa orë.
E ndërsa situata rëndohet, për shkak edhe të ngushtimit të rrugëve dhe zgjerimit të korsive të biçikletave, apo bllokimit të lëvizjes në sheshin Shqiponja ku po kryhen punimet, nga autoritetet policore ose ato të Bashkisë së Tiranës, ende nuk janë gjetur zgjidhje.
