Champions/ Real Madrid shmang humbjen ndaj Monchegladbach, Joao Felix i kthen buzëqeshjen Simeones

Real Madridi ka barazuar rezultatin në ndeshjen ndaj Borussia M’Gladbach në 2-2.Madrilenët shpëtuan nga turpi, pasi ishin duke humbur dhe ishin në disavantazhin e dy golave.

Ekipi spanjoll nuk zhvilloi një ndeshje të mirë dhe nuk shkoi më shumë se një barazim në Gjermani. Vendasit shënuan dy herë të parët me anë të Thuram. Sulmuesi dërgoi topin në rrjetë fillimisht në minutën e 33′ dhe më pas në të 58′.

U mendua se gjermanët do të merrnin një fitore historike, por Reali reagoi në minutat e fundit të ndeshjes me Benzemanë në të 87′ dhe Casemiron në të 90’+3′ duke dalë me një pikë nga Gjermania.

LEXO EDHE  Ishte negativizuar nga Covid, humb jetën mjeku pediatër/ Emri+FOTO

Skuadra tjetër nga Madridi, Atletico ka arritur një fitore 3-2 përballë Salsburgut.  Fillimisht spanjollët kaluan në avantazh me anë të Llorente në minutën e 29-të.

Ndërkohë Salsburgu, reagoi me anë të Szoboszlai në minutën e 40-të, ndërkohë që avantazhin e përkohshëm e morën nga futbollisti me orgjinë kosovare, Mergim Berisha.

Më pas hyri në skenë Joao Felix. Sulmuesi portugez shënoi dopietë  në minutat 52′ dhe 85′ duke i dhënë fitoren e parë skuadrës së tij.