Konsumi i kafes dhe i çajit jeshil rrit jetëgjatësinë në pacientët me diabet, sipas një studimi të botuar në revistën “BMJ Open Diabetes Research & Care” dhe i kryer nga Universiteti “Kyushu”, Japoni.
Hulumtimi përfshiu 4 923 diabetikë, shëndeti i të cilëve u monitorua mesatarisht për më shumë se pesë vjet.
Në veçanti, konsumi i një filxhani çaj jeshil në ditë zvogëlon vdekshmërinë me 15%; e dy-tre filxhanëve e ul me 27% dhe katër ose më shumë e zvogëlon rrezikun me 40%.
Në rastin e kafes, rreziku zvogëlohet me 19% nëse konsumohet një filxhan në ditë; 41% për konsumimin e dy ose më shumë.
Rreziku i vdekjes është edhe më i ulët për ata që konsumojnë të dyja pijet: zvogëlohet me 51% për me dy-tre filxhanëve çaj jeshil dhe dy ose më shumë kafe në ditë; 58% për katër ose më shumë filxhanë çaj jeshil dhe një filxhan kafe; 63% për një konsum të kombinuar të katër ose më shumë filxhanëve çaj jeshil dhe dy ose më shumë filxhanëve kafe në ditë.
Sipas ekspertëve, mekanizmi mbrojtës i dy pijeve i atribuohet përmbajtjes së tyre me antioksidantë dhe molekulave të tjera aktive me efekte pozitive në shëndet.
