Presidenti Ilir Meta i ka kërkuar Komisionit të Venecias, të shprehë opinionin e tij në lidhje me ndryshimet në Kodin Zgjedhor, të miratuara prej mazhorancës dhe disa deputetëve të opozitës parlamentare, por të rikthyera prej tij sërish në Kuvend.
Në përgjigje të interesimit të televizionit “FaxNews” mbi këtë çështje, Komisioni i Venecias është shprehur se e ka pranuar kërkesën e presidentit Meta, ndërsa shton se për momentin nuk ka asnjë koment.
Kujtojmë se eurokomisioneri për zgjerimin në BE, Oliver Varlehyi reagoi ditën e sotme pas vendimit të presidentit Meta për ta çuar ndryshimet në Kodin Zgjedhor në “Venecia”.
Ai i rekomandoi Kuvendit që të presë opinionin që do të jepet nga Venecia, dhe më pas të vendosë për rivotimin e ndryshimeve në kod. Në të njëjtën linjë u reshtuan dhe raportuesi i Shqipërisë në PE David Lega, si dhe zëvendëskryetari i PPE në Parlamentin Europian, Andrey Kovatchev.
Megjithatë, kryeministri Edi Rama paralajmëroi rrëzimin e dekretit të Metës në Kuvend.
DENONCO