Një 50-vjeçar u ekzekutua mëngjesin e sotëm në Fier. Ngjarja ka ndodhur rreth orës 06:00, në lagjen “Sheq i Madh”, ndërsa viktima si çdo ditë po përcillte bashkëshorten në punë.
Policia bëri të ditur se viktima e atentatit që tronditi Fierin është Ahmet Toska, 50 vjeç, banues në lagjen “Sheq i Madh”, baba i dy fëmijëve, djalë e vajzë. Ai punonte si usta kur gjente punë. Motivet e krimit të rëndë duken se mbeten mister, pasi nga raportimet ai nuk kishte probleme.
50-vjeçari u ekyekutua me plumb në kokë rreth 200 metra pranë banesës së tij, ndërsa dëshmitare është bërë gruaja e tij, e cila ka parë të gjithë skenën.
Ndërkohë që autori fill pas krimit është larguar, ndërsa ulërimat e gruas kanë alarmuar lagjen.
Një banore në pranë lagjes ku u ekzekutua 50-vjeçari, shprehet se ai nuk ishte njeri problematik. Ajo thotë se bashkëshortja e tij punonte në një furrë buke.
“Në mëngjes më tha djali që u dëgjuan të shtëna me armë zjarri. Ahmeti ishte njeri i mirë. Nuk e di shumë mirë se ku punonte. Gruaja punonte tek një furrë buke” – thotë një banore.
Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Policia ka ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
