Parashikimi i motit/ Ja çfarë kohe na pret këtë të hënë dhe ditët në vijim

Më poshtë po ju njohim se si do të jenë kushtet meteorologjike për javën që presim.

Dita e hënë parashikohet të ketë mot me alternime kthjellimesh dhe vranësira.

Reshje shiu me intensitet të ulët në pjesën veriore të vendit deri në mesditë, bën të ditur Shërbimi Meteorologjik Ushtarak.

Dita e martë mot me kthjellime dhe vranësira, reshje shiu me intensitet të ulët në veriperëndim-perëndim të vendit. Në mbrëmje reshjet shiut do të shtrihen përgjatë vijës bregdetare me intensitet të ulët.

Dita e mërkurë parashikohet me reshje shiu që në orët e para të 24-orëshit me intensitet mesatar e lokalisht përgjatë vijës bregdetare e ultësirës perëndimore reshje me intensitet deri të lartë. Reshje në formën e shtrëngatave dhe stuhive shoqëruar më shkarkësa elektrike. Gjatë ditës reshjet e shiut mbeten prezente të herpasherëshme por humbasin intensitet.

LEXO EDHE  Ia bëri me shenjë me elektrik, polici hapi xhamin e makinës dhe ...! Detaje të reja nga ekzekutimi në Lezhë

Dita e enjte dhe e premte parashikohet të kenë mot me alternime kthjellimesh dhe vranësira të cilat gjatë orëve të para të 24-orëshit do të pasohën nga reshje shiu me intensitet të ulët të karakterit lokal përgjatë vijës bregdetare.

Era do të jetë nga kuadrati i Perëndimit me shpejtësi mesatare 1-7m/sek, e cila hera-herës përgjatë vijës bregdetare ditën e martë dhe të mërkurë do të fitojë shpejtësi deri në 15m/sek.