Bilanci ditor i Covid/ Katër humbje jete dhe 302 raste të reja. Harta e të prekurve

Katër humbje jete dhe 302 raste të reja me koronavirus nga 1 329 testime janë regjistruar në 24 orët e fundit.

Që nga shfaqja e Covid në vend, janë prekur 18 858 persona, nga të cilët 10 548 janë shëruar dhe 473 kanë humbur jetën.

Rastet aktive janë 7 837.

Rastet e reja

Ministria e Shëndetësisë njoftoi se rastet pozitive të konfirmuara në 24 orët e fundit janë identifikuar në këto bashki:

  • 196 të prekur në Tiranë
  • 31 raste në Durrës
  • 17 raste në Fier
  • 11 raste në Tropojë
  • 8 raste në Kurbin
  • 6 raste në Pogradec
  • 5 raste në Shkodër
  • 4 raste në Kukës, Rrogozhinë, Kuçovë
  • 2 raste në Korçë, Kavajë, Vlorë, Mallakastër, Vorë, Patos
  • 1 rast në Mirditë, Kamëz, Bulqizë, Peqin

Të shëruar dhe situata në spitale

34 orët e fundit, janë shëruar 82 qytetarë, duke e çuar në 10 548 numrin e të shëruarve në vend që prej fillimit të epidemisë.

Aktualisht në spitalin Infektiv dhe “Shefqet Ndroqi” po trajtohen 264 pacientë, 11 në terapi intensive nga të cilët 5 pacientë janë të intubuar.

Viktimat

“Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 77 vjeçar dhe një 80 vjeçare nga Tirana, një 80 vjeçar nga Fier, një 82 vjeçar nga Durrësi”, njoftoi Ministria e Shëndetësisë dhe Mbrojtjes Sociale.

LEXO EDHE  Vrasja në Vlorë, policia merr në pyetje mbi 10 persona/ Detajet

Shpërndarja gjeografike e rasteve aktive, sipas qarqeve:

  • Tiranë 3 966
  • Durrës 755
  • Shkodër 491
  • Fier 511
  • Korçë 479
  • Lezhë 379
  • Elbasan 344
  • Vlorë 308
  • Berat 222
  • Kukës 190
  • Dibër 96
  • Gjirokastër 96

Apeli

Ministria e Shëndetësisë dhe Mbrojtjes Sociale ju bën apel qytetarëve të respektojnë masat anti COVID me qëllim parandalimin e infeksionit.

“Vendoseni maskën kudo në ambientet jashtë shtëpisë, ruani distancën dhe kujdesuni për higjienën, vetëm kështu mund të parandalohet përhapja e infeksionit SARS COV2. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.  Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19”, apelon ministria.