Kryeministri Edi Rama vijon replikat në distancë me kreun e PD-së, Lulzim Basha, lidhur me inceneratorët. Ndërsa i shmanget një debati publik me kreun e PD, Rama ka zgjedhur rrjetet sociale për t’iu përgjigjur akuzave dhe për të shkëmbyer batuta.
“Ah Lul, të ka mbet ora tek Gropa e Hajdin Saliut, po habitem si s’e kupton që sa më shumë sulmon impiantet moderne të mbetjeve, aq më shumë tregon se nuk ndahesh dot nga malet me plehra të Sali Hajdinit!
Ta qaj hallin, je mes gropës së tij dhe grepit të Likes për tiganin e Monës”, shkruan Rama në Twitter.
Më herët, Bsha publikoi kontratën mbi inceneratorin e Fierit, ndërsa në replikë me Ramën shprehej “politika e vjetër ka erën e gropës së Hajdin Sejdisë ku nuk vure dorë 11 vjet si kryetar bashkie, ka fytyrën e zërin tënd që për 7 vjet e mbushe vendin me plehra dhe me inceneratorë që djegin vetëm milionat që ke zhvatur nga xhepat e shqiptarëve. Dita e llogarisë po afron!”.
