Debati për krimet e komunizmit ka nxehur deputetët ditën e sotme në seancën plenare. Gjatë kohës që deputeti Adriatik Alimadhi mori fjalën është ndërprerë nga një prej deputetëve në sallë.
“Po mbylle o mbylle se ti gam gam bën tërë kohën, rri se je i qelbur nga goja,” dëgjohet të thotë ai.
“A ka mundësi të bëjmë një studim të mirëfilltë të ngremë një akademi, nuk dini asgjë nga historia, janë vrarë më shumë shqiptarë në vitet 43-44 dhe nëse nuk jeni të ndërgjegjëm të paktën të bëhemi bashkë të ndihmojmë njëri-tjetrin e të shkojmë kështu në Europë.
Mos i lini më shqiptarë të ndarë, tërhiqini këto ndryshime, janë pa asnjë thelb. Këtu një e dy thotë është vota, në fund ligjet i bëjmë për popullin shqiptar. Po them ata që kanë kryer krime të dënohen, jo të lihen ashtu,” tha Alimadhi.
