Ambasadorja amerikane tha në një intervistë transmetuar këtë të Enjte në emisionin “Opinion” se është përgjegjësi e atyre që janë në pushtet që t’ia bëjnë vetes atë pyetje dhe të marrin përgjegjësitë për të krijuar kushtet që i tërheqin të rinjtë në Shqipëri.
“E dini shumë mirë që të rinjtë duan të largohen nga Shqipëria. Po mësojnë gjermanisht, sepse mendoj shumica e njohin anglishten. Duan të largohen, shumica e të rinjve, sipas sondazheve. Ky është problem. Kush do ta ndërtojë vendin, nëse brezi i ri largohet”, u pyet ambasadorja.
“Mendoj se është përgjegjësi e atyre që janë në pushtet që t’ia bëjnë vetes atë pyetje dhe të marrin përgjegjësitë për të krijuar kushtet që i tërheqin të rinjtë në Shqipëri”, tha ajo.
Blendi Fevziu: Njerëzit në pushtet janë të njëjtët në 30 vitet e fundit.
Ambasadorja Kim: Varet nga votuesit.
Blendi Fevziu: Nuk e ndryshuam dhe aq elitën…
Ambasadorja Kim: Varet nga votuesit.
Blendi Fevziu: Varet nga votuesit?
Ambasadorja Kim: Po!
Blendi Fevziu: Gjithmonë?
Ambasadorja Kim: Gjithmonë.
Blendi Fevziu: Keni ndonjë mesazh për votuesit?
Ambasadorja Kim: Mendoj se votuesit duhet të përpiqen të jenë sa më të informuar që të jetë e mundur. Duhet të bëjnë pyetje të vështira. Duhet të mbajnë mend që e kanë ata pushtetin, në një demokraci, janë qytetarët që kanë pushtetin.
