Ky është shteti i parë në Europë që kalon 1 milionë raste me Covid 19

Spanja ka regjistruar më shumë se një milionë raste me koronavirus, duke u bërë vendi i parë i Evropës Perëndimore që kalon këtë shifër.

Të mërkurën vendi raportoi 16.973 raste të reja dhe 156 viktima. Që nga rasti i parë i diagnostikuar më 31 janar, Spanja tani ka regjistruar një total prej 1.005.295 raste të konfirmuara dhe 34.366 viktima.

Spanja është vendi i gjashtë në të gjithë botën që raporton një milionë raste me Covid-19 pas SHBA, Indisë, Brazilit, Rusisë dhe Argjentinës.

Rastet e reja ditore që nga fundi i gushtit janë mbi 10 mijë. Shtrimet në spital janë rritur me 20% vetëm në dy javët e fundit. Po kështu edhe numri i viktimave është rritur ndjeshëm. Ministri i shëndetësisë do të takohet me udhëheqësit rajonalë sot për të diskutuar hapat e ardhshëm.

Çfarë po ndodh në Evropë?

Nga mesnata e së mërkurës, në Irlandë kanë hyrë masa të rrepta kufizuese, të ngjashme me ato të pranverës në fillim të pandemisë.

Italia ka regjistruar 15.199 infeksione, numri më i lartë ditor që nga fillimi i pandemisë.

Ministri i shëndetësisë i Gjermanisë Jens Spahn ka rezultuar pozitiv për koronavirus dhe është vetë-izoluar.