Mbrëmjen e djeshme këngëtarja Fjolla Morina postoi në rrjete sociale një foto me partnerin e saj duke konfirmuar kështu përfundmisht lidhjen e tyre. Këngëtarja i bëri partnerit edhe një deklaratë dashurie, ku shprehej se kur dashuria mes dy personave është e vërtetë është në gjendje të kalojë çdo vështirësi, sepse ajo fiton mbi gjithçka.
“Thonë që ‘në dashuri fiton kush ikën’. Nuk është e vërtetë. Në dashuri fiton ai/ajo që rri. Dashuria nuk është e lehtë! Në dashuri duhet të dish të ndash dhimbjen, pasionin, vuajtjet. Ndonjëherë dashuria vë në dyshim gjithçka që ti ke besuar, por kur dashuria është e vërtetë atëherë ajo është në gjendje të superojë çdo vështirësi, çdo pengesë, sepse dashuria fiton mbi gjithçka. Ne në çdo pengesë fituam njëri-tjetrin. Të dua Fisnik Syla”, shkruan Fjolla krahas fotos.
“n’Zoom.biz” ka siguruar disa foto të bashkëshortes dhe fëmijëve të Fisnikut, duke shkruar se fotot janë realizuar në gusht, kur Fjolla dhe biznesmeni sapo kishin nisur lidhjen. “n’Zoom.biz” shkruan se bashkëshortja e Fisnikut ka treguar se ka qenë e martuar me të prej 10 vitesh dhe tashmë kjo marrëdhënie mori fund prej Fjollës.
“Atyre që deshten shkatërrimin e familjes marrshin nga jeta atë që e meritojnë.”- ka thënë bashkëshortja e biznesmenit.
Nuk dihet ende nëse ata janë divorcuar apo jo, por Fjolla reagoi ashpër në rrjetet sociale kur në media aludohej se mes saj dhe biznesmenit kishte një lidhje intime. Ajo mohoi lajmet dhe shkruante se mediat po shkatërrojnë familjen e një njeriu që s’ka lidhje me të.
Kujtojmë gjithashtu se 3 ditë më parë Fjolla Morina mori një propozim romantik për martesë nga Fisniku. Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë si dhe me një unazë të bukur diamanti, Fisniku i propozoi këngëtares për martesë.
“Unë thash Po! Dashuri”, shkroi Fjolla krahas postimeve, duke dhënë kështu lajmin e bukur se po i jep fund beqarisë.
Fjolla Morina ka qenë kryefjala e mediave gjatë gjithë këtyre javeve pas arrestimit të saj nga policia shqiptare në kufirin e Morinës. Pas një kontrolli në makinë, Fjollës iu gjetën 2 pistoleta, njëra prej të cilave ishte çakmak. Këngëtarja shoqërohej nga dy persona, biznesmeni Fisnik Syla dhe shoferi Fitim Muji.
Madje u raportua se Fjolla dhe Fisnik Syla kishin nisur prej pak kohësh një romancë, duke u bërë e ditur se biznesmeni është pikërisht personi që i ka dhuruar këngëtares makinën Audi Q7.
