Kryeministri Edi Rama u kërkoi grave naftëtare që të dilnin nga greva e urisë, pasi sipas tij, nuk është e nevojshme që të vazhdojnë grevën.
Gratë naftëtare kanë reaguar duke ju përgjigjur Kryeministrit dhe kanë refuzuar që të dalin nga greva e tyre.
Ato po ashtu, ato shfaqen shumë mosbesuese ndaj deklaratës së Ramës, duke theksuar se ai po i gënjen.
“A rri ai djali i Kryeministrit pa ngrënë? Në i kërkojmë tre gjëra që janë bazike për jetën tonë: ujë, drita dhe bukë. Le të vijë këtu, jemi të lodhura ne nuk do ta lëmë grevën.
Ne jemi të vdekura gjithë qyteti ka vdekur. Ai nuk e di si jetojnë qytetarët. I kemi dhënë votën dhe tani na kanë nxjerrë në rrugë të madhe. Është bërë i pabesueshëm shikojnë xhepat e tyre dhe nuk duan që t’ia dinë për popullin.
Jo ne nuk dalim nga greva. Është gënjeshtra e Ramës, se erdhi na tha që lekët do ti merrni kokërr më kokërr”, thuhet në reagimin e grave naftëtare.
