Kryeministri Edi Rama ka reaguar sot ndaj deklaratave të Presidentit Ilir Meta, i cili gjatë konferencës për mediat, tha se nuk është vetëm Komandant i Forcave të Armatosura, por është ushtari i parë i Republikës.
Në reagimin e tij, jo pa ironi, Rama e konsideron Metën thjesht Komandant të LSI.
“Ilir, ti je thjesht Komandant i LSI sepse Shqipëria nuk është në luftë dhe në kohë paqe Forcat e Armatosura nuk janë nën komandën e Presidentit të Republikës, i cili sipas Kushtetutës nuk komandon asgjë dhe askënd, po mishëron unitetin kombëtar dhe jo dasinë, sherrin, degradimin!”, shkruan Rama në postimin e tij.
