Sassuolo konfirmon formën fantastike që po kalon në këtë fillim kampionati, teksa sot ka fituar me përmbysje spektakolare 3-4 ndaj Bolognës.
Kuqeblutë zhbllokuan sfidën me anë të mesfushorit Roberto Soriano, pas një aksioni mjaft të bukur e me shumë pasime, ndërsa në minutën e 18’-tëishte Domenico Berardi që riktheu baraspeshën me një gjuajtje nga distanca.
Pjesa e parë u mbyll me avantazhin e Bolognës, që shënoi në minutën e 39-të me anë të Svanberg, ndërsa në fillim të pjesës së dytë ishte Orsolini që shënoi në portën e Consiglit dhe çoi rezultatin 3-1.
Por kur dukej se Bologna do të rikthehej te fitorja, Sassuolo nuk e kishte thënë ende fjalën e saj, pasi rihapi ndeshjen në minutën e 64-t me anë të serbit Djuricic dhe barazoi shifrat në minutën e 70’ me anë të sulmuesit veteran Francesco Caputo, i cili vijon të shënojë rregullisht.
Përmbysja u kompletua në minutën e 77’, kur pas një aksioni nga krahu, japonezi i Bolognës, Tomiyasu devijoi në mënyrë të pafat topin në rrjetën e portës së tij dhe i dha avantazhin 3-4 Sassuolos.
