Janë arrestuar nga Agjencia Kombëtare e Krimit në Ken katër persona, mes tyre dy vëllezër shqiptarë, me akuzën e trafikimit të emigrantëve drejt Britanisë së Madhe.
Bazuar në informacione të marra në rrugë operative, oficerët e policisë i kishin vënë në përgjim dhe i kapën në momentin që po dorëzonin katër emigrantë shqiptarë.
Shtetasit shqiptarë të moshës midis 20 dhe 35 vjeç zbritën nga një kamion rreth orës 8 të mëngjesin e të së premtes.
Pas arrestimit ata po mbahen nga autoritetet e imigracionit.
Ndërkohë vëllezërit shqiptarë Arben Cakici, 48 vjeç dhe Astrit Cakici, 37 vjeç, të cilët jetonin ilegalisht në Londrën lindore akuzhen për lehtësimin e hyrjes ilegale në Mbretërinë e Bashkuar dhe posedimin e një arme zjarri.
Arben Cakici përballet me një akuzë tjetër për mbajtjen e një thike.
Ndërsa drejtuesit e kamionit, Ionut Colibei, 34 vjeç dhe Valerica Prutearu, 41 vjeç, u akuzuan për lehtësimin e hyrjes së paligjshme në Mbretërinë e Bashkuar.
Colibei akuzohet edhe për mbajtjen e një thike.Të katërt do të paraqiten para gjykatësve të hënën./ Panorama
