Virgil Van Dijk u dëmtua në ndeshjen e Liverpool-it kundër Everton ditën e djeshme. Ashtu siç raportojnë kampionët e Anglisë, mbrojtësi do të operohet në gju, pasi ka këputur ligamentin e gjurit.
Me këtë dëmtim të rëndë, sezoni i 29-vjeçarit mund të quhet i përfunduar, ndërsa vihet në rrezik edhe pjesëmarrja në Europian me Holandën.
“Liverpool mund të konfirmojë se Virgil Van Dijk do t’i nënshtrohet një operacioni pas një dëmtimi që pësoi në gju në ndeshjen e së shtunës kundër Everton, që përfundoi 2-1. Mbrojtësi i qendrës dëmtoi ligamentin e gjurit pas një incidenti me portierin Pickford pas gjashtë minutash lojë në stadiumin ‘Goodison Park’.
Van Dijk kërkoi zëvendësim dhe pas vlerësimit të mëtejshëm të dëmtimit u zbulua se do të duhet të kryejë një operacion. Në këtë moment asnjë afat specifik kohor nuk përcaktohet për rikthimin e tij.
Pas operacionit Van Dijk do të fillojë një program rehabilitimi me ekipin mjekësor të klubi, që t’i mundësohet rikthimi në formën e duhur sa më shpejt të jetë e mundur”, thuhet në njoftimin e kampionëve të Anglisë.
https://twitter.com/LFC/status/1317872839488319488?ref_src=twsrc%5Etfw%7Ctwcamp%5Etweetembed%7Ctwterm%5E1317872839488319488%7Ctwgr%5Eshare_3%2Ccontainerclick_1&ref_url=https%3A%2F%2Fabcnews.al%2Fe-konfirmuar-nga-liverpool-van-dijk-do-operohet-rrezikon-sezonin%2F
