Humbja ndaj Cadiz, Zidane u “tërheq veshin” lojtarëve. Ja çfarë u diskutua në takim!

Në seancën stërvitore gjatë ditës së sotme, Zinedine Zidane dhe lojtarët e Real Madrid mbajtën një takim për të analizuar situatën e ekipit pas humbjes së ditës së djeshme 1-0 në shtëpi kundër Cadiz.

Francezi dëshironte të tregohej i prerë me skuadrën në disa pika, përpara një kalendari të ngjeshur të Real Madrid që përfshin kthimin e Champions League dhe “El Classicon” ndaj Barcelonës.

Ashtu siç raporton “Marca”, dy fjalët që Zidane i përmendi më shpesh gjatë takimit ishin “intensiteti” dhe “qëndrimi”. Siç kishte thënë të shtunën në konferencën për shtyp pas ndeshjes, lojtarët e tij e kuptuan që nuk mund të dalin në fushën e lojës me intensitet kaq të ulët dhe dërguan një mesazh për të ardhmen, duke siguruar që nuk ajo gjë nuk mund të ndodhë më.

“Na mungon qëndrimi serioz në fushë,” këmbënguli ai. Me një ton pajtues, pa qortuar asnjë lojtar në veçanti, Zidane bëri prioritet “rikuperimin e frymës së luftës” dhe unitetin e skuadrës, cilësi që i kanë shoqëruar  “Los Blancos” kohët e fundit dhe që u ka dhënë atyre rezultate kaq të mira.

Veteranët e dhomës së zhveshjes gjithashtu bënë të ditur ndjenjat e tyre dhe theksuan se nuk kishte vend për justifikime. Lojtarët pajtohen me diagnozën e stafit stërvitor, ose të paktën kështu ndiheshin futbollistët që folën: Sergio Ramos, Luka Modric dhe Toni Kroos .

LEXO EDHE  Derbi londinez për Renato Sanchez, sfidë Milanit dhe Barçës

Kapiteni ishte i pari nga lojtarët që foli dhe dy mesfushorët folën më pak, por shumë qartë. Të dy, kroati dhe gjermani insistuan në mesazhin e “unitetit” dhe “intensitetit” për të ecur përpara.

Marrëdhënia midis lojtarëve dhe stafit drejtues nuk mund të vihet në dyshim pasi ata të gjithë ranë dakord për analizën pas disfatës kundër Cadiz.

Në fakt, Casemiro e bëri shumë të qartë në fund të lojës me fraza të tilla si “ne falëm pjesën e parë” dhe “në pjesën e parë qëndrimi nuk mund të jetë ashtu siç ishte”. Braziliani u fut në lojë si një zëvendësues, por kjo nuk e ndaloi atë për të folur për problemet e pjesës së parë. Luka Modric , i cili luajti vetëm pjesën e parë, nuk e kishte problem ta pranonte që skuadra ishte e dobët në fazën krijuese.

Me këto vetëdije, lojtarët dhe Zidane filluan stërvitjen për ndeshjet e javës së ardhshme kundër Shakthar Donetsk dhe Barcelonës.

E diela pa një seancë rikuperimi për ata që luajtën 90 minuta kundër Cadiz dhe pak më kërkuese për lojtarët që nuk morën pjesë ose nuk e përfunduan ndeshjen.