Kategoria Superiore duhet të kishte nisur sezonin e ri më shumë se një muaj më parë, por kjo datë nuk u respektua, teksa Liga Profesioniste nisi bojkotin e futbollit.
Klubet e Kategorisë Superiore, kanë hartuar një kërkesë prej katër pikash për t’i ardhur në ndihmë futbollit në vend, sidomos në aspektin financiar.
Gjithsesi sipas informacioneve të fundit, fundi i bojkotit është afër dhe gjithçka mund të zyrtarizohet më 20 tetor, ku Liga Profesioniste do të mbajë një tjetër takim me organet qeveritare.
Një të dhënë mjaft të fortë për nisjen e sezonit 2020/2021 e ka dhënë klubi i Teutës, teksa në faqen zyrtare të klubit shkruhet se pas pushimit të së dielës, skuadra do nisë përgatitjet për javën e parë të sezonit, pikërisht ndeshjes ndaj Skënderbeut.
“E diela pushim, të hënën ekipi do i rikthehet stërvitjes në Durrës ku do zhvillohen përgatitjet për takimin e javës së parë ndaj Skënderbeut”, shkruhet në faqen e durrsakëve.
