Gjykata e Shkodrës vendosi arrest me burg për 19-vjeçarin Ilirjan Hasanaj, i cili akuzohet se i kreu atentat shefit të Policisë Bashkiake të Malësisë së Madhe.
Hasanaj qëlloi me armë në drejtim të makinës ku udhëtonte Mentor Hasanaj, duke e plagosur atë dhe babain e tij Xhelal Hasanajn. I riu u vetdorëzua në polici pak ditë më parë bashkë me kushëririn e tij 23-vjeçar Verzan Bajrakurtaj, banues në lagjen Dobraç, Shkodër.
Po ashtu, Gjykata e Shkodrës ka lënë në burg edhe Bajrakutajn.
Në seancën gjyqësore të akuzuarit nuk kanë folur, por janë përfaqësuar nga avokatët mbrojtës Bujar Hoti dhe Ndrek Rukaj. Pala mbrojtese ka kërkuar një masë lehtësuese duke u bazuar në faktin që ato janë vetëdorëzuar por kjo kërkesë nuk është marrë parasysh nga trupa gjykuese.
Në rrëfimin para uniformave blu, 19-vjeçari Hasanaj është shprehur se e ka kryer këtë akt nën ndikimin e alkoolit pa vetëdije të plotë, ndërsa ka mohuar përfshirjen e kushëririt të tij në atentat. Ai ka thënë se ky i fundit e ka marrë me makinë por nuk ka pasur dijeni për ngjarjen, raporton abcnews.
Ndonëse kanë të njëjtin mbiemër 19-vjeçari nuk ka lidhje farefisnore me shefin e Bluve.
Ngjarja ndodhi shtatë ditë më pranë rrethrrotullimit në fshatin Dobraç, ku autori po ndiqte makinën me të cilën udhëtonin tre pjesëtarët e familjes Hasanaj. Ai priti deri në momentin kur ata bënë një ndalesë dhe më pas u afrua duke qëlluar me motorin e tij tip “Papaq”, i cili u gjet rreth orës 16:00, 500 metra larg vendit të ngjarjes.
