Sot luhet derbi i Milanos e vlefshme për javën e katërt në Serie A. Interi pret Milanin në “San Siro”, takim që nis në orën 18:00.
Trajnerët Conte dhe Pioli kanë pak dilema në lidhje me formacionet që do të hedhin sot pasdite në fushë.
Trajneri zikaltër pritet t’i japë një shans danezit Eriksen, i cili do të organizojë lojën e Interit. Nga ana tjetër, Pioli ka humbur Rebic dhe belgu Saelemaekers me spanjollin Brahim Diaz do të formojnë krahët e sulmit kuqezi.
Të dyja skuadrat kanë bërë një start pozitiv të sezonit me Interin që ka fituar 2 takime teksa në javën e fundit u ndal në barazim 1-1 në fushën e Lazios. Nga ana tjetër Milani regjistron 3 fitore në po kaq ndeshje duke shënuar 7 gola dhe duke mos pësuar asnjë.
Formacionet e mundshme
INTER (3-4-1-2): Handanovic; D’Ambrosio, De Vrij, Kolarov; Hakimi, Barella, Vidal, Perisic; Eriksen; R.Lukaku, L.Martinez. Trajner: AntonioConte
MILAN (4-2-3-1): G.Donnarumma; Calabria, Kjaer, Romagnoli, T.Hernandez; Bennacer, Kessie; Saelemaekers, Calhanoglu, Brahim Diaz; Ibrahimovic. Trajner: Stefano Pioli.
