Pesë vjet pasi vrau me mjete të forta një 82-vjeëar, policia e Fierit ka arrestuar autorin e dyshuar. Mësohet se Nevruz Likmeta në nëntor të vitit 2015 është vrarë nga Skënder Krasniqi.
Njoftimi i policisë
Zbardhet dhe dokumentohet me prova ligjore vrasja e ndodhur më 22.11.2015, në qytetin e Fierit.
Kapet dhe ndalohet autori i vrasjes së 82-vjeçarit.
Strukturat për Hetimin e Krimeve në DVP Fier, pas një pune operative dhe hetimore intensive, kanë bërë të mundur dokumentimin ligjor të ngjarjes së ndodhur në datën 22.11.2015, në Fier, ku është vrarë me mjete të forta prerëse shtetasi Nevruz Likometa , 82 vjeç, banues në Fier.
Pas rifillimit të çështjes penale, në bashkëpunim dhe koordinim me Prokurorinë Fier u arrit sigurimi i provave ligjore dhe paraqitja e tyre në Gjykatë.
Nga specialistët për Hetimin e Krimeve të Rënda në DVP Fier u bë ekzekutimi i vendimit të Gjykatës së Rrethit Gjyqësor Fier, e cila ka vendosur masën “Arrest në burg” për shtetasin Skender Krasniqi, 43 vjeç, banues në Fier, për veprën penale “Vrasja me paramendim”.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
