Parashikimi i motit për fundjavën/ Ja çfarë ndodh me temperaturat të hënën

Moti ditën e nesërme parashikohet me vranësira dhe kthjellime. Zhvillimet e vranësirave do të sjellin reshje shiu të përkohëshme në pjesën veriore e atë qendrore të vendit.

Ditën e diel e kryesisht të hënën përgjithësisht mot me diell. Temperaturat do të pësojnë rënie kryesisht në vlerat minimale.Të hënën, vlerat maksimale do të rriten.

Era do të fryjë juglindje e veriperëndim e lehtë e mesatare përgjatë brigjeve detare. E pranishme do të bëhet dhe mjegulla lokale gjatë orëve të mëngjesit. Valëzimi në dete i forcës 3 deri 4 ballë.