Deklaratave të djeshme të Kryeministrit Edi Rama në emisionin ‘Opinion’, ku tha se nuk ka rast në Botë që të ketë hajdut 2 metra, kreu demokrat Lulzim Basha i është përgjigjur duke propozuar të hapej një faqe ‘online’, ku ta quanin 2metrahajdut dhe të provohej që Rama gënjente.
Menjëherë ka reaguar rrjeti dhe është ngritur faqja online 2metrahajdut.com, ku kanë postuar meme mbi deklaratat e fundit të Ramës.
“Na ishte një herë një gënjeshtar i gjatë 2 metra. Ai luante çdo natë me 140 shokët e tij të shkurtër dhe ngjyrë mavi. Një natë luanin vigani, shkurtanbiqi tek sheshi.
Natën tjetër kala dibrançe tek amfiteatri. Natë tjetër raqi raqin rikiko tek bulevardi.
Një natë mbeti vetëm dhe filloi të luante fluturon, fluturon, pikërisht këtë natë, gënjeshtari u zgjua dhe pa që mandati i tij kish fluturuar. Ëndrra në beze për çdo natë!’
