Një aksident me pasojë vdekjen e një gruaje ka ndodhur këtë mbrëmje në aksin Elbasan-Peqin.
Burime nga vendngjarja, bëjnë me dije se një mjet tip ‘BMW’ që drejtohej nga E.S., 43 vjeç, ka përplasur për vdekje një 64-vjeçare Xh.B.
Mësohet se drejtuesi i automjetit tip ‘BMW’ është shoqëruar në Komisariatin e Policisë Elbasan për veprime të mëtejshme hetimore.
Dyshohet se aksidenti ka ndodhur për shkak të shpejtësisë tej normave të lejuara.
Njoftimi i Policisë
Në aksin rrugor Elbasan- Peqin, në fshatin Përparim,Peqin, shtetasi E.S., 43 vjeç, banues në Durrës, duke drejtuar mjetin tip “BMV”, ka përplasur këmbësoren shtetasen Xh.B., 64 vjeçe, banues në Librazhd, dhe për pasojë ka ndēruar jetë.
Drejtuesi i mjetit është shoqëruar në Komisariatin e Policisë Elbasan, për veprime të mëtejshme procedurale.
Grupi hetimore ndodhet në vendngjarje dhe po punon për zbardhjen e shkakut të aksidentit.
