Ish-zëvendësministri i Arsimit dhe mjeku Taulant Muka, duke iu referuar një studimi amerikan, shprehet se përdorimi i maskave prej cope nuk ndikon në uljen e transmetimit të infeksionit.
“Ndoqa keshillen e ministres dhe nga leximi gjeta nje studim te ri nga CDC-Amerikane: 70% e pjesemarresve ne studim perdoren maska prej cope, por asnje diference nuk u pa ne perdorimin e maskave prej cope midis rasteve Covid-19 dhe jo Covid-19 ne studim. Ky rezultat sugjeron perdorimi i maskave prej cope nuk ndikon ne uljen e transmetimit te infeksionit”, shkruan Muka në një postim në rrjetet sociale.
“Eshte nder te paktet studime qe fokusohet ne SARS-CoV-2 dhe jo ne viruse te tjera. Gjithsesi, studimi eshte case-control i cili ka shume limitime, njesoj si studimet e tjera ne kete fushe”, shton ai.
https://www.facebook.com/Taulant.Muka/posts/10218961894574163
Ndërkohë, këtë të Enjte ka hyrë në fuqi Akti Normativ i qeverisë që detyron mbajtjen e maskave dhe në ambientet e hapura. Kryeministri Edi Rama rekomandoi që në kushtet e pamundësisë ekonomike për blerjen e maskave, mund të përdoren ato prej cope.
