Kuvendi i Shqipërisë zhvillon sot seancën e radhës.
Në rendin e ditës të seancës së sotme është parashikuar një interpelancë me Kryeministrin dhe ministrin e Punëve të Jashtme kërkuar nga deputetët Vasil Sterjovski dhe Ligoraq Karamelo.
Në rend të ditës është parashikuar gjithashtu një interpelancë me ministrin e Brendshëm kërkuar nga deputeti Lefter Maliqi.
Kuvendi gjithashtu pritet të shqyrtojë disa projektligje:
- “Për disa ndryshime dhe shtesa në ligjin nr. 9632, datë 30.10.2006 “Për sistemin e taksave vendore” të ndryshuar””.
- “Për një shtesë në ligjin nr. 92/2014, “Për tatimin mbi vlerën e shtuar në Republikën e Shqipërisë”, të ndryshuar””.
- “Për disa ndryshime dhe shtesa në ligjin nr. 10221, datë 04.02.2010, “Për mbrojtjen nga diskriminimi”.
- “Për disa shtesa dhe ndryshime në ligjin nr. 9669, datë 18.12.2006 “Për masat ndaj dhunës në marrëdhëniet familjare” të ndryshuar””.
- “Për metrologjinë”.
- “Për regjistrimin, mënyrën e përdorimit dhe kontrollin e mjeteve lundruese, turistike e të kënaqësisë, me motor me fuqi mbi 30 kv ose 40.8 kf dhe tonazh nën 150 GT”.
