Filmi “Mrekullia në qelinë nr 7-të” ishte një ndër filmat që u shikua më shumë gjatë karantinës dhe përloti gjithë shqiptarët. Të shumtë ishin ata që e panë këtë film, duke e kthyer në pak kohë në një nga filmat më të komentuar në rrjetet sociale.
‘Memo’, aktori kryesor i këtij filmi, do të japë një intervistë për audiencën shqiptare. Aras Bulut Iynemli, do të jetë i ftuar në emisionin “Qejfi ma i madh se Stambolli”, në Klan Kosova.
Ky film është vlerësuar me 6 çmime në “Festivalin e Filmit në Izmir”. Aras mori çmimin “Aktori më i mirë mashkull” dhe Nisa Sofiya Aksongur çmimin “Aktorja më e mirë fëmijë”.
Po ashtu filmi rrëmbeu edhe çmimet: “Filmi më i mirë”, “Regjisori më i mirë”, “Kinematografia më e mirë” dhe “Aktori më i mirë suportues”.
