Presidenti i Republikës Ilir Meta ka përshëndetur sot dorëheqjen e Presidentit të Kirgistanit pas protestave masive kundër rezultatit të zgjedhjeve të manipuluara.
Në një postim në “Facebook”, Meta shkruan se populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve.
Duke dhënë një mesazh të fortë, Kreu i Shtetit shkruan se autorët e krimeve zgjedhore të vihen para përgjegjësisë.
“Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë.
Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve.
Autorët e krimeve zgjedhore dhe dhunës kriminale të vihen para përgjegjësisë! 🇦🇱🤝🇰🇬”, shkruan Meta.
