Replika mes kryeministrit Edi Rama dhe kreut të opozitës Lulzim Basha. Më herët gjatë kësaj të Mërkure, Basha tha se Rama po përgatit një tjetër aferë me inceneratorët.
Në një reagim në Twitter, Rama u shpreh mes të tjerash se, “Shqipëria e Rilindjes Urbane dhe e fushave sanitare të përpunimit teknologjik të mbetjeve nuk do të ndalet deri kur në asnjë cep të shtëpisë sonë të përbashkët të mos digjen e mos kalben plehra, sepse mesjeta juaj ka vdekur e s’kthehet më!”
Në të njëjtin rrjet social, Basha i kujtoi fondet që janë dhënë për inceneratorët, duke i quajtur “mafia e plehrave”, ndërsa i bëri apel Ramës të zbatojë planin me 5 pika të PD-së për rimëkëmbjen ekonomike, që e përmendi edhe në konferencën për gazetarët, mbajtur më herët gjatë ditës.
