Mesfushori i Juventusit, Weston Mckennie ka rezultuar pozitiv me coronavirus.
22-vjeçari bëhet lojtari i dytë i bardhezinjve që testohet pozitiv këtë javë. Gjatë pasdites së djeshme ishte Cristiano Ronaldo ai që u konfirmua pozitiv ndërsa ishte në grumbullim me Portugalinë.
Juventusi luan ndaj Crotone të Shtunën, ndërsa tashmë ekipi do të vetë izolohet dhe nuk do të kenë kontakte jashtë grupit të tyre.
Klubi i Juventusit deklaron se “kjo procedurë do të lejojë të gjithë personat negativë të kryejnë stërvitjen e rregullt, por nuk do të lejohen kontaktet me njerëz jashtë grupit.”
22-vjeçari McKennie u bashkua me Juventusin në fund të gushtit. Ai është amerikani i parë që luan për ekipin italian.
