Blogerja bën deklaratën shokuese: Babai im ishte Osama Bin Laden

Përdoruesit e mediave sociale mbeten të shokuar teksa një prej “influencueseve” të njohura në rrjetin Instagram pretendonte se terroristi Osama Bin Laden ishte babai i saj dhe insistonte se “ai ishte një figurë e mirë atërore”.

Vajza e njohur ne rrjet vetëm si Saba postoi një foto të saj me “babanë” kur ishte i ri.

“E çuditshme, vajza e Bin Laden një adoleshente përdoruese e rregullt e mediave sociale”; “Nuk ka si mosha e internetit, vetëm këtu mund të bësh gallatë me vajzën e një t*rroristi”– shkruanin disa nga ndjekësit.

Saba iu përgjigj zhurmës së krijuar duke thënë: “Babai im ishte shumë i mirë me mua dhe gjithmonë një figurë atërore. Unë nuk e njollos emrin e tij sepse ajo që bënte nuk ishte puna ime”.

Disa të tjerë e pranonin pretendimin e saj, duke shkruar: “Ata të urrejnë sepse nuk e dinë që ai kishte shumë gra … dhe shumë fëmijë”.

Kujtojmë që Osama Bin Laden është baba i 20 deri në 26 fëmijëve, dhe ka pasur të paktën pesë gra zyrtare gjatë kohës që ishte gjallë.

Lideri i grupit Al-Qaeda u vra më 2 maj në një kompleks rezidencial në Abotabad të Paksitanit nga forcat speciale të SHBA.

Saba është kontaktuar nga mediat e huaja dhe pritet të japë së shpejti prova për pretendimet.