Kombëtarja shqiptare ka zbarkuar në tokën lituaneze me objektivin e revanshit ndaj Lituanisë për humbjen 0-1 në “Air Albania” rreth 1 muaj më parë.
Kuqezinjtë sot përshkruan një tjetër distancë të largët, rreth 4852 kilometra. Ky fluturim, nga Almati për në Vilnus të Lituanisë, përshkon një distancë rreth 4852 kilometra dhe zgjati përafërsisht 5 orë pa ndalesë.
Një fluturim i lodhshëm që kryhet gjatë paradites, për t’i lënë vend stërvitjes zyrtare në mbrëmje.
Kombëtarja e drejtuar nga Edi Reja edhe pse me shumë mungesa ku spikasin emrat e Roshit, Cikalleshit, Hysajt dhe Strakoshës dhe me lojtarë të afruar rishtazi në ekipit kombëtar A, kërkojnë revanshin për të synuar objektivin vendin e parë në grupin, i cili aktualisht është në baraspeshë totale.
Kujtojmë që Shqipëria ndeshet nesër me orën tonë lokale 18:00 në kryeqytetin lituanez Vilnus.
