Naftëtarët e Ballshit janë duke zhvilluar protestën e tyre përballë uzinës së rafinerisë së naftës në Ballsh. Të revoltuar ata kërkojnë të hyjnë në ambientet e brendshme të uzinës, në mënyrë që të marrin librezat e tyre personale të punës.
Gjatë tubimit të ditës së sotme mungojnë forcat e policisë, ndërkohë që perimetri i jashtëm i rafinerisë është në mbrojtje të policisë private të kontraktuar nga kompania. Ajo që bie në sy gjatë protestës së sotme është përkrahja që u është bërë naftëtarëve nga sindikata e fermerëve të zonës.
Nën thirrjet se “Rafineria është e naftëtarëve”, ata kërkojnë të hyjnë në uzinë dhe të marrin librezat e punës në mënyrë që të arrijnë të marrin përkrahjen sociale.
